Sziget 2023 — дзень трэці (субота)

Брытанская спявачка Mimi Webb выступіла на Галоўнай сцэне, што само па сабе было вялікім дасягненнем для яе. Уэб выпусціла свае першыя сінглы ў 2020 годзе, а яе дэбютны альбом выйшаў толькі ў сакавіку мінулага года. Неўзабаве стала зразумела, чаму яна зайшла так далёка за параўнальна кароткі час. Усе свае песні яна праспявала бездакорна. Яе танцавальна-паповая музыка хутка пакарыла публіку, якой у любы час мабыць пофіг што слухаць (чытай пра атмасферу).

Крыху пазней у Freedome стартавала зусім іншае шоу. Амерыканскі гурт TV Girl пачаў там сваю дзейнасць з песні Pantyhose. Музыку TV Girl можна ахарактарызаваць як гіпнатычны поп з тонкімі тэхна-бітамі, мноствам сэмплаў і адносна манатонным голасам. Гіпнатызавала. Ніхто з гледачоў, здавалася, не танчыў; замест гэтага ўсе проста крыху пагойдваліся ўзад і ўперад. Саліст Брэд Пітэрынг і яго манатонная і цынічная манера размовы, стваралі ўражанне, быццам адпускаюцца жарты, якіх вы, як прахожы, не разумееце. З бутэлькай ружовага віна ў руцэ і ў цёмных акулярах ён стаяў там і выглядаў вельмі нядбайна, а якая розніца.

Тым часам на Галоўнай адзін з найбуйнейшых (прабачце) артыстаў фестывалю. Найл Хоран (я спецыяльна ў канцы абзаца напішу хто гэта такі, а вы калі ведаеце — засрыце мяне ў каментарах) выйшаў на сцэну з аглушальнымі крыкамі, у што ў рэшце рэшт ператварыўся Sziget. Уражаны памерам і энтузіязмам публікі, ён заспяваў песню Nice to Meet Ya. Вельмі прыдатная, паколькі выканавец ніколі раней не быў у Будапешце. Пасля першых некалькіх песень Niall James Horan выказаў шкадаванне наконт таго, што яму спатрэбілася так шмат часу, каб прыехаць сюды. Ён адразу паабяцаў, што гэта таксама не апошні раз. Не ведаю чаму, але шум дасягнуў піка, калі Story of My Life (саліст One Direction, маці яго, ну на ўзроўні з Harry Edward Styles, скажыце вы).

У той жа вечар, без чвэрці дзевяць, Jungle By Night былі ў А38. Гэты галандскі калектыў складаўся з сямі чалавек і ста тысяч інструментаў. Цалкам аналагавая і інструментальная музыка, створаная гуртом, здолела прымусіць усю публіку рухацца далей. Дзякуючы розным ударным і мелодыям з сінтэзатара яны стваралі вельмі добрае гучанне. Розныя духавыя інструменты, якія выкарыстоўваліся ў іх сэце, таксама забяспечвалі вялікую разнастайнасць.

Сцісла, Moderat сфарміраваны Гернатам Брансертам і Себасцьянам Шары з дуэта Modeselektor, а таксама Сашам Рынгам, вядомым як Apparat. Мякка балансуючы паміж новым стылем і добра вядомымі папярэднімі рэлізамі, яны далі зразумець, заблыталі мяне, не разумею чаму еўрапейцы кахаюць саладжавых ХаранаСтаілзаў на ўзроўні з гэтай электронікай. Невялікая змена мадуляцый гукаў падчас жывога выканання трыа надае яркую свежасць вядомым трэкам. Здаецца, гэта толькі ўзмацняе ў слухачоў хваляванне наконт таго, што будзе далей. Дым і цьмянае святло разам з абстрактнымі візуальнымі эфектамі на заднім плане надаюць усёй прасторы мерапрыемства сапраўды драматычны выгляд. Азірніцеся вакол, і вы ўбачыце мноства людзей з зачыненымі вачамі. Гульня агнёў, туману і дыму дазваляе натоўпу поўнасцю пагрузіцца ў атмасферу ночы. На маю думку, ідэальная ўстаноўка для таго, каб пагрузіцца ў свежае гучанне не так ужо нядаўна выпушчанага More D4ta. З’яўляецца яшчэ пара песень з альбомаў розных часоў, уключаючы рэміксавую версію Eating Hooks, за якой ідзе Easy Prey, Bad Kingdom, трыа завяршае, а я іду піць ад нуды, таму што далей David Guetta.

Француз David Guetta, практычна галоўны герой выходных (ці звязаных з ім фестываляў), неяк сустрэў яго, выходзячы з туалета, нармальны хлопец, за дзесяць гадоў наогул не змяніўся, учыніў яшчэ адзін эпічны выбух для публікі (вось публіка і бізнэс змяніліся ). Мне непрыемна было тое, што дыджэю, нажаль, вельмі спадабалася (гэта як жонка, якая не заўсёды дае). Падчас першых некалькіх песень Гуета кожны раз спыняў музыку на некалькі секунд падчас прыпеву, каб было ясна чуваць, як гучна падпявае публіка. Тэарэтычна добрая ідэя, але было даволі непрыемна чуць сябе і людзей вакол цябе, якія равуць разам. Пасля двух разоў таксама было весела, але ён працягваў у тым жа духу, задзіры яго чэрці. Карацей суботу наогул можна выкінуць, лепш бы я яе шабатаваў.

Дзянic Леснiк

Таксама чытайце:

Sziget 2023 — дзень чацвёрты (нядзеля).
Sziget 2023 — дзень пяты (панядзелак).
Путешествие на Sziget 2014